கிரிக்கெட் தெரிவுக்குழு தலைவர் பதவியில் இருந்து நான் விலகமாட்டேன்: பிரமோத்ய விக்ரமசிங்க

இலங்கை கிரிக்கெட் தேர்வுக்குழு தலைவர் பதவியில் இருந்து நான் விலக மாட்டேன். அமைச்சர் விரும்பினால் அவரை பதவியில் இருந்து நீக்கலாம் என இலங்கை கிரிக்கெட் தெரிவுக்குழு தலைவர் பிரமோத்ய விக்ரமசிங்க தெரிவித்துள்ளார்.

தற்போதைய இலங்கை கிரிக்கெட் இளையோர் அணி அடுத்த உலகக் கிண்ணத்தை நிச்சயம் வெல்லும் என்றும் அவர் நம்பிக்கை தெரிவித்தார்.

சிம்பாபேயில் நடைபெற்ற உலகக் கிண்ணத் தகுதிச் சுற்றுப் போட்டியில் 12ஆவது இடத்தில் இருந்த போதிலும், அந்தப் போட்டியின் பின்னர் 09ஆவது இடத்திற்கு வந்ததாகவும், அந்த வெற்றி மனப்பான்மையுடன் இலங்கை உலகக் கிண்ணத்தில் நுழையும் எனவும் அவர் குறிப்பிட்டுள்ளார். இன்னும் ஐந்தாண்டுகளில் அவர் கட்டமைத்த இளைஞர் அணி என்னவாகும் என்பதை பொறுத்திருந்து பாருங்கள் என்றும் அவர் கூறினார்.