லெபனான் தலைநகரில் இஸ்ரேல் ஆளில்லா விமான தாக்குதல்
லெபனான் தலைநகர் பெய்ரூட்டில் இஸ்ரேல் நடத்திய ஆளில்லா விமான தாக்குதலில் ஹமாஸ் துணைத் தலைவர் சலே அல்-அரோரி கொல்லப்பட்டார்.
பெய்ரூட்டின் தெற்கே ஆளில்லா விமானம் நடத்திய தாக்குதலில் ஹமாஸின் அரசியல் பிரிவின் தலைவர்களில் ஒருவரான அரோரி உட்பட ஏழு பேர் கொல்லப்பட்டனர்.
இறந்தவர்களில் இருவர் ஹமாஸ் ராணுவப் பிரிவைச் சேர்ந்தவர்கள். இஸ்ரேலிய ட்ரோன் தாக்குதலில் கொல்லப்பட்ட ஹமாஸின் துணைத் தலைவர், அதன் இராணுவப் பிரிவின் முக்கிய உறுப்பினரான ஹமாஸ் தலைவர் இஸ்மாயில் ஹனியேவுக்கு நெருக்கமானவர் என்று பிபிசி தெரிவித்துள்ளது.
லெபனானில் அவர் ஹமாஸ் மற்றும் ஹிஸ்புல்லாவுக்கு இடையேயான முக்கிய இணைப்பாகக் காணப்பட்டார்.
ஹமாஸ் தலைமையின் மீது இலக்கு வைக்கப்பட்ட தாக்குதலில் சலே அல்-அரோரி கொல்லப்பட்டதாக கூறியுள்ள இஸ்ரேலிய அதிகாரி படுகொலைக்கு நேரடியாக பொறுப்பேற்கவில்லை என்பது குறிப்பிடத்தக்கது.
இதை யார் செய்தாலும்; இது லெபனான் மீதான தாக்குதல் அல்ல, இது ஹிஸ்புல்லா மீதான தாக்குதல் அல்ல, யார் செய்திருந்தாலும், இது ஹமாஸ் மீதான இலக்கு தாக்குதல் என்று இஸ்ரேலிய அதிகாரி ஒருவர் தெரிவித்தார்.
