யாழ்ப்பாணப் பல்கலைக்கழக மருத்துவ பீட மாணவர் கைது!

யாழ்.பல்கலைக்கழக மருத்துவ பீட மாணவர் ஒருவரை போதை மாத்திரைகள் மற்றும் போதைப் பொருட்களுடன் கோப்பாய் பொலிசார் நேற்று செவ்வாய்க்கிழமை (12) கைது செய்த நிலையில் அவரை எதிர்வரும் 20 ஆம் திகதி வரை விளக்கமறியலில் வைக்க யாழ் நீதிமன்றம் உத்தரவிட்டுள்ளது.

மேற்படி சம்பவம் தொடர்பில்,

குறித்த மாணவன் கோப்பாய் பொலிஸ் பிரிவுக்குட்பட்ட யாழ்.பல்கலைக்கழக மருத்துவ மனை பகுதியில் போதைப்பொருள் மற்றும் போதை மாத்திரைகளுடன் நடமாடுவதாக கோப்பாய் பொலிஸாருக்கு கிடைத்த இரகசிய தகவலின் அடிப்படையில் கைது செய்யப்பட்டுள்ளார்.

குறித்த மாணவனை யாழ்ப்பாணம் நீதிமன்றில் முன்னிலைப்படுத்திய போது, அவரை எதிர்வரும் 20ஆம் திகதி வரை விளக்கமறியலில் வைக்குமாறு நீதிபதி உத்தரவிட்டுள்ளார்.

மேற்படி மாணவர் ஏற்கனவே திருநெல்வேலிப் பகுதியில் மதுபோதையில் இருந்த போது கோப்பாய் பொலிஸாரால் கைது செய்யப்பட்டு நீதிமன்றில் வழக்குத் தாக்கல் செய்யப்பட்டுள்ளதாக ஆரம்பகட்ட விசாரணைகளில் தெரியவந்துள்ளது.