யாழ். நகரத்தில் விழுந்த பழமையான மரம்

யாழ்ப்பாணத்தில் ஒரு நூற்றாண்டு பழமையான மரம் சீரற்ற காலநிலை காரணமாக முறிந்து விழுந்துள்ளது. இந்த மரம் நேற்று (17.11.2023) முறிந்து விழுந்துள்ளது.

யாழ்ப்பாணம் சென் ஜோன்ஸ் ஆரம்ப பாடசாலைக்கு முன்பாக வீதியோரம் இருந்த வேப்ப மரம் முறிந்து வீழ்ந்துள்ளது.

குறித்த மரம் பாடசாலைக்கு முன்பாக இருந்தமையால் வீதியின் குறுக்கே விழுந்து விடாமல் காலி நிலத்தில் விழுந்ததால் பெரும் அனர்த்தம் தவிர்க்கப்பட்டதாக பிரதேச மக்கள் தெரிவிக்கின்றனர்.

நாட்டில் அண்மைக்காலமாக வீதியோரங்களில் உள்ள மரங்கள் முறிந்து விழும் நிலையில் இது தொடர்பில் பொறுப்பு வாய்ந்த அதிகாரிகள் கவனம் செலுத்தினால் பாரிய விபத்துக்கள் தவிர்க்கப்படும் என தெரிவிக்கப்படுகிறது.