யாழில் 3 புதிய மின் உற்பத்தி நிலையங்கள்!
யாழ்ப்பாண மாவட்டத்தில் நெடுந்தீவு, நயினாதீவு மற்றும் அனலைதீவு ஆகிய இடங்களில் 3 புதிய மின் உற்பத்தி நிலையங்கள் அமைக்கப்பட உள்ளன.
இந்தியாவின் நிதியுதவியுடன் இந்த புதுப்பிக்கத்தக்க மின் உற்பத்தி நிலையங்கள் தொடங்கப்பட உள்ளன.
இந்த புதிய மின் உற்பத்தி நிலையங்களை நிறுவுவதற்கான ஒப்பந்தம் இந்தியாவைச் சேர்ந்த தனியார் நிறுவனத்திற்கு வழங்கப்பட்டுள்ளதாக இலங்கை அரசாங்கம் உத்தியோகபூர்வமாக அறிவித்துள்ளது.
கடந்த அமைச்சரவைக் கூட்டத்தில் இந்த புதுப்பிக்கத்தக்க மின் நிலையத்தை நிர்மாணிப்பதற்கான ஒப்பந்தத்தை Solar Spotless Energy Solutions (Pvt) Ltd நிறுவனத்திற்கு வழங்குவதற்கு தீர்மானிக்கப்பட்டதாக அமைச்சரவை பேச்சாளர் பந்துல குணவர்தன தெரிவித்தார்.
