யால சரணாலயத்தில் துப்பாக்கிச் சூடு – ஒருவர் கைது

யால சரணாலயத்திற்குள் துப்பாக்கிச் சூட்டுச் சம்பவத்தில் ஒருவர் உயிரிழந்த சம்பவம் தொடர்பில் சந்தேகநபர் ஒருவர் கைது செய்யப்பட்டுள்ளார்.

யால சரணாலயத்தின் வலயம் 06 இல் நேற்று (15) மாலை 6 மணியளவில் வன அதிகாரிகள் தேடுதல் நடவடிக்கையில் ஈடுபட்டிருந்த வேளையில் இடம்பெற்ற துப்பாக்கிச் சூட்டில் திஸ்ஸமஹாராம பிரதேசத்தைச் சேர்ந்த 31 வயதுடைய நபரே உயிரிழந்துள்ளார்.

இச்சம்பவம் தொடர்பில் வனப் பாதுகாப்பு உத்தியோகத்தர் ஒருவர் கைது செய்யப்பட்டுள்ளதுடன், பொலிஸார் விசாரணைகளை ஆரம்பித்துள்ளனர்.