மான் இறைச்சி மற்றும் உள்நாட்டு துப்பாக்கியுடன் இளைஞர் கைது

குருநாகல், எஹெடுவெவ பொலிஸ் பிரிவுக்குட்பட்ட பகுதியில் மான் இறைச்சி மற்றும் உள்நாட்டில் தயாரிக்கப்பட்ட துப்பாக்கியுடன் இளைஞர் ஒருவர் பொலிஸாரால் கைது செய்யப்பட்டுள்ளார்.

இச்சம்பவம் திங்கட்கிழமை (18) காலை இடம்பெற்றுள்ளது. கைது செய்யப்பட்டவர் குருநாகல், கோனேவ பிரதேசத்தைச் சேர்ந்த 21 வயதுடைய இளைஞர் ஆவார். எஹெடுவெவ பொலிஸாருக்கு கிடைத்த இரகசிய தகவலையடுத்து சந்தேகநபர் கைது செய்யப்பட்டுள்ளார்.

அவரிடமிருந்து 7 கிலோ 250 கிராம் எடையுள்ள மான் இறைச்சியும், உள்நாட்டில் தயாரிக்கப்பட்ட துப்பாக்கியும் காவல்துறையினரால் கைப்பற்றப்பட்டன.

இது தொடர்பான மேலதிக விசாரணைகளை எஹெடுவெவ பொலிஸார் மேற்கொண்டு வருகின்றனர்.