பிரித்தானியாவின் இந்திய படுகொலையில் திருப்பம்: பொலிசாரிடம் சிக்கிய சிறுவர்கள்
பிரித்தானியாவின் வால்வர்ஹாம்டன் பகுதியில் இந்திய வம்சாவளி இளைஞரை கத்தியால் தாக்கி கொலை செய்த வழக்கில் அதிரடி திருப்பமாக இரண்டு சிறுவர்கள் கைது செய்யப்பட்டுள்ளதாக காவல்துறை தெரிவித்துள்ளது.
19 வயதுடைய ஷான் சேஷாயின் கொலைச் சம்பவம் தொடர்பில் 12 வயதுடைய இரு பாடசாலை மாணவர்கள் கைது செய்யப்பட்டுள்ளதாக இந்த வழக்கை விசாரித்த பொலிஸார் குறிப்பிட்டுள்ளனர்.
இந்நிலையில், சம்பவம் இடம்பெற்ற பகுதியில் பொலிஸ் நடவடிக்கைகள் பலப்படுத்தப்பட்டுள்ளதாக தெரிவிக்கப்பட்டுள்ளது. கைது செய்யப்பட்ட இரண்டு சிறுவர்களும் போலீஸ் காவலில் இருப்பதாகவும், சேஷாயின் குடும்பத்தினருக்கு தகவல் தெரிவிக்கப்பட்டுள்ளதாகவும் அவர்கள் தெரிவித்தனர்.
மேலும், இந்த படுகொலை பற்றிய தகவல் வெளிவரும் போது, விசாரணை அதிகாரிகளுக்கு பொதுமக்கள் கண்டிப்பாக உதவ முன்வர வேண்டும் என்றும் போலீசார் வேண்டுகோள் விடுத்துள்ளனர்.
வெஸ்ட் மிட்லாண்ட்ஸ் ஆம்புலன்ஸ் சேவை தகவல் கிடைத்ததும் சம்பவ இடத்திற்கு விரைந்ததாகவும், ஆனால் அவசர சேவை மருத்துவர்கள் அவரது உயிரைக் காப்பாற்ற முடியாமல் போனதாகவும், அந்த இளைஞன் சேஷாய் சம்பவ இடத்திலேயே இறந்ததாகவும் கூறினார்.
இதற்கிடையில், சம்பவம் நடந்த இடத்திற்கு அருகில் வசிக்கும் ஹர்தீப் கவுர், கத்தியால் குத்தப்பட்ட சம்பவம் தனது குழந்தைகளின் பாதுகாப்பு குறித்து அச்சத்தை ஏற்படுத்தியுள்ளது.
