நாட்டின் வருமானத்தில் 75% உணவுக்காக செலவிடப்படுகிறது.

நாட்டின் வருமானத்தில் 75% உணவுக்காக செலவிடப்படுகிறது என்று பொருளாதார ஸ்திரத்தன்மைக்கான குறுகிய மற்றும் நடுத்தர கால திட்டங்களை அடையாளம் காணும் தேசிய கவுன்சிலின் துணைக்குழு தெரிவித்துள்ளது. இதேவேளை, நாட்டின் சனத்தொகையில் ஐந்தில் ஒரு பகுதியினரே சத்தான உணவுகளை பெற்று வருவதாகவும் தெரிவிக்கப்பட்டுள்ளது. பாராளுமன்ற உறுப்பினர் பாட்டலி சம்பிக்க ரணவக்க தலைமையில் மேற்படி உப குழு நேற்று (18) பாராளுமன்றத்தில் கூடிய போது இது தொடர்பில் கலந்துரையாடப்பட்டது.

உணவு பாதுகாப்பு மற்றும் ஊட்டச்சத்து பாதுகாப்பு, உரத்தின் தேவை, குறைக்கப்பட்ட அறுவடை, ஊட்டச்சத்து குறைபாடு மற்றும் சாத்தியமான சமூக விளைவுகள் குறித்து நிபுணர்களின் கருத்துக்களைப் பெறுவதற்காக இந்த கூட்டம் நடைபெற்றது. குறிப்பாக பத்து வருடங்களாக நாட்டில் நிலவி வரும் போசாக்கின்மை நிலைமை தற்போதைய பொருளாதார நெருக்கடியுடன் அதிகரித்துள்ள நிலையில் இதனை போக்க குறுகிய கால மற்றும் இடைக்கால நடவடிக்கைகள் குறித்து இந்த சந்திப்பின் போது கலந்துரையாடப்பட்டதாக பாராளுமன்ற தொடர்பாடல் பிரிவு தெரிவித்துள்ளது. .

அதன்படி, வருமானம் மற்றும் வீட்டுச் செலவுகள் குறித்து உடனடியாக கணக்கெடுப்பு நடத்துமாறு நிதியமைச்சகத்துக்கு துணைக் குழுத் தலைவர் அறிவித்துள்ளார். நாட்டில் வரி அதிகரிப்பு, தொழில்களை நிலைநிறுத்துவதில் சிரமம், வேலை இழப்பு மற்றும் ஊட்டச்சத்து நிலைமைகள் போன்ற நடவடிக்கைகள் மூலம் வருமானத்தை அதிகரிக்க முடிந்தாலும் பக்க விளைவுகளாக கடுமையான தாக்கத்தை ஏற்படுத்தும் என்றும் தெரிவிக்கப்பட்டுள்ளது.