கடந்த 24 மணி நேரத்தில் 2,000 பேர் கைது செய்யப்பட்டுள்ளனர்

நாடு முழுவதும் கடந்த 24 மணித்தியாலங்களில் மேற்கொள்ளப்பட்ட விசேட அதிரடி நடவடிக்கையில் 2,166 பேர் கைது செய்யப்பட்டுள்ளதாக பொலிஸார் தெரிவித்துள்ளனர்.

கைது செய்யப்பட்டவர்களில் 66 பேருக்கு எதிராக தடுப்புக் காவல் உத்தரவு பெறப்பட்டுள்ளதுடன், 14 சந்தேக நபர்களுக்கு எதிராக சொத்து விசாரணைகள் ஆரம்பிக்கப்பட்டுள்ளன. 226 பேர் புனர்வாழ்வுக்கு அனுப்பப்பட்டுள்ளனர் என்று காவல்துறை தெரிவித்துள்ளது.

1 கிலோ 370 கிராம் ஹெராயின், 556 கிராம் ஐஸ், 7 கிலோ 800 கிராம் கஞ்சா, 3 கிலோ 500 கிராம் கஞ்சா மற்றும் 1,075 போதை மாத்திரைகளும் சோதனையின் போது கண்டுபிடிக்கப்பட்டன.