ஒரு கிலோ பெரிய வெங்காயம் 700 ரூபாய்
நேற்று (20) புறக்கோட்டை மொத்த சந்தையில் ஒரு கிலோ பெரிய வெங்காயத்தின் விலை 520 ரூபாவாக அதிகரித்துள்ளது.
இதன் காரணமாக எதிர்வரும் நாட்களில் ஒரு கிலோ பெரிய வெங்காயத்தின் சில்லறை விலை 700 ரூபாவை தாண்டும் என வியாபாரிகள் தெரிவிக்கின்றனர்.
வெங்காயம் இறக்குமதிக்கு இந்தியா தடை விதித்துள்ளதால், பாகிஸ்தானில் இருந்து இறக்குமதியாகும் பெரிய வெங்காயத்தின் விலை உயர்ந்துள்ளது.
மொத்த சந்தையில் உள்ளூர் வெங்காயம் வரத்து இல்லாததால், இறக்குமதி செய்யப்படும் வெங்காயத்தின் விலை உயர்ந்துள்ளது. இதேவேளை நேற்று பல சில்லறை விற்பனை நிலையங்களில் ஒரு கிலோ பெரிய வெங்காயம் 600 முதல் 650 ரூபா வரை விற்பனை செய்யப்பட்டது.
