உலகக் கோப்பையின் இறுதி ஆடுகளத்தில் ரோஹித்தும் டிராவிட்டும் செய்த வேலை.. வெடிகுண்டு வீசிய முகமது கைஃப்
மும்பை: 2023 ஒருநாள் உலகக் கோப்பை இறுதிப் போட்டியில் ஆஸ்திரேலியாவிடம் இந்திய அணி தோல்வியடைந்தது குறித்து முன்னாள் கிரிக்கெட் வீரர் முகமது கைஃப் பெரும் குற்றச்சாட்டுகளை கூறியுள்ளார்.
2023 ஒருநாள் உலகக் கோப்பை தொடரில், லீக் சுற்றில் இந்தியா தொடர்ந்து 9 ஆட்டங்களில் வெற்றி பெற்றது. அதைத் தொடர்ந்து அரையிறுதியில் நியூசிலாந்திடம் தோல்வியடைந்தது.
அதன்பின் இறுதிப்போட்டியில் இந்தியாவும் ஆஸ்திரேலியாவும் மோதின. இறுதிப் போட்டி நடைபெற்ற அகமதாபாத் மைதானத்தின் ஆடுகளத்தை இந்திய அணி தங்களுக்குச் சாதகமாக மாற்றியதாக அப்போது சர்ச்சை எழுந்தது.
சர்வதேச கிரிக்கெட் கவுன்சில் நியமித்துள்ள ஆடுகள ஆலோசகர் ஆண்டி அட்கின்சன் அனுப்பிய மின்னஞ்சலானது பெரும் விவாதத்திற்கு உள்ளாகியுள்ளது. ஆஸ்திரேலிய கேப்டன் பாட் கம்மின்ஸ், இறுதிப் போட்டிக்கு முந்தைய நாள் ஆடுகளத்தை தனது கைப்பேசியில் படம்பிடித்து சர்ச்சைக்குள்ளானார். இரவோடு இரவாக இந்திய அணி ஆடுகளத்தை மாற்றி அமைக்கும் என கருதி அவர் படம் எடுத்ததாக பலரும் கூறினர்.
